Inang Ko Po

INANG KO PO! Sabado pala ngayon at nakalimutan kong gumawa ng post para sa ABaKaDa Sabado.

At ngayon ay nasa Letrang I... Inang Ko Po!

Inang Ko Po... Sabado na naman

Sa dami ng gawain nakalimutan ang mahalaga

Sa dami ng labahin di na magkandaugaga

Sa dami ng tiklupin di na makatunganga

Hay... paano na nga kaya Inang ko... ganito na lang ba?

TITIK I... INANG KO PO!

Read more...

Halakhak

Sabado na ulit at oras na para sa ABaKaDa Sabado.

Nakakatawa nga naman ang buhay. Eto ako at nag-umpisa ng kalokohan... at hirap na hirap panindigan. Kaya naman eto na naman naghahagilap ng maisusulat dahil Sabado na naman.

At para sa Titik HA... Halakhak ...

Halakhak... gamot sa pusong sadlak sa kalungkutan

Masaklap na kapalaran... tawanan mo lang

Dahil ang pagsubok sa buhay ay may katapusan.

TITIK HA... HALAKHAK!

Read more...

Ang Mabitaminang Gatas

Sabado na ulit at oras na para sa ABaKaDa Sabado.

Ang nakaraang araw ay medyo maalwan at kaaya-aya maliban kahapon na maulan. Subalit sa kabila ng lahat ako'y naliligayan. Kahit papano ay alam kong malapit na ang tag-init.

At para sa Titik GA... GATAS... ang salitang naisip ko. Sapagkat sa idad kong ito, ang gatas ang mahalagang sangkap para sa aking nutrisyon.

Gatas... puno ng Bitamina na kelangan ng katawan

Calcium na mineral para sa butong marupok dala ng katandaan

Inumin ng madalas para hindi mapilay

At ng maging masaya ang nalalabing buhay.

TITIK GA... GATAS!

Read more...

Engkanto

Sabado na nga... at huli na ang post na ito para sa ABaKaDa Sabado.

Puyat ako at wala sa wisyo. At walang maisip na salitang Pinoy na akma para sa titik E at bahagyang katamaran.

At dahil sa walang maisip... eto na lang ang aking ilalagay...

Para sa Titik E... ENGKANTO!

Pinoy na Pinoy. Di mawawala sa paniniwala.

Ang mala-engkantong paghanga sa mahihiwaga.

Totoo man o kathang isip... si La Aunor pa rin ang aking Idol.

WALANG HIMALA!

Para sa Letrang E... ENGKANTO!

Read more...